عذرا لاتوجد مواضيع في هذا التصنيف.

شركات ادوية تعلن تطوير لقاح ضد فايروس كورونا       مديرية الصحة تنفي تسجيل اي اصابة بفيروس كورونا       كاسيميرو: أردت انضمام نيمار لريال مدريد       الموسوي : البرلمان سيعقد جلسته الاثنين المقبل بناءا على دعوة علاوي .       بيارق الخير : مطالبات نيابية لعقد جلسة خاصة للتصويت على حكومة علاوي .       بالأنفوجرافيك .. المواقف من حكومة علاوي       الجماعة الإسلامية الكردستانية : سنصوت لعلاوي حتى لو امتنع الحزبين الكرديين .       “أبل” تحضر مفاجأة في هاتفها “الرخيص” المنتظر       المنافذ الحدودية : ضبط عجلتين مخالفة للضوابط في منفذ طريبيل .       قائد الثورة الاسلامية: الانتخابات عرس وطني وجهاد عام       مسؤول محلي في ديالى ينفي إغلاق منفذ حدودي مع إيران .       بعد الصين.. دولة آسيوية تعلن ارتفاع إصابات كورونا       شرطة الديوانية تنفي تسجيل إصابة بكورونا ، وتحذر من تصديق الشائعات .       وزير الداخلية الإيراني: الانتخابات تجري بنزاهة وفي ظروف أمنية ممتازة       كلوب يثير غضب نجوم أتلتيكو مدريد      

دور الكرابلة في التظاهرات ..

فبراير 14, 2020 | 10:37 ص

 

  • مراقب

 

تقرير بلسان المتظاهرين  …

 

الى الشعب العراقي  …

 

منذ الشهر العاشر ذهبنا للتحرير ونصبنا خيمتنا حيث كانت من أولى الخيام خيمة الولاء للعراق فقط ، ماكو شي ما قدمناه ، ماكو شي ماسويناه ، من حيث الفعاليات والدعم و هواي سلبيات صارت بالساحة وغطيناها حتى لا تعم على الكل ولا يتشوه اسمنه بس حالياً الأمور اختلفت تماماً مظاهراتنا انسرقت وانباكت مطاليبنا تغيرت كل شويه جاي طرف ماسح طلب ومصعد طلب كعدنه اكثر من مره باجتماعات المنسقيات والخيم وكلنه يا اخوان احنه مو ممثلين عن ٤٠ مليون عراقي احنه منكدر نفرض راينه على احد منكدر نقرر بدال احد  مطاليبنا قانون الانتخابات و المحاضرين المجانيين وأصحاب الشهادات العليا وإجراء انتخابات مستقلة ومبكرة شو كل ما تحقق طلب اجتي جهة وحطت طلب جديد كل ماسوينه شي زين اجتي جهة وفلشت المطالب وغيرتها يعني من الأخير ميردونه ننهيها ونحقق مطالبنا لغاية ما وصلت مرحلة وهي كانت سبب انسحابنا ورفع خيمتنا يوم امس احنه اخر ناس انسحبنه كل الناس السلميين انسحبت وبقينه كلنه خلي نشوف النهاية شنو بس النهاية انباعت ” يعني اخر شي رفعنا صورة نطالب بالحصة التموينية وكشف فساد وزارة التجارة و محاسبة وزارة الصناعة على الشركات والمعامل المبيوعة والتحقيق بكلام خالد العبيدي على عقود وزارة الدفاع هجموا علينه للخيمة وشككو الصور وكالو مو بكيفكم ترفعون صور احنه معلينه بالباقين وممنوع احد يذكر الكرابلة لو السنة والأكراد ” …

 

اخوان مظاهراتنا انسرقت والي صار يتحكم بينه ويحجي باسمنه جمال الكربولي والباقين الي وياه الي ديصير كوارث لدرجة حتى البنات الي يطلعن ومن ضمنهم هاي التهتف نموت عشره نموت ميه ما يهمها المرجعية والثانية الي تصيح وين الملايين ذني كلهن يلموهن من الأعظمية يوميه من مقر حزب الحل ومن العامرية ب ٥٠ الف باليوم واليوم وكدام الشعب كله نعلن انسحابنا والله العظيم مظاهراتنا انباعت وكل التوجيهات الحالية دتوصل من “ فائق والبشير وستيفن والكبيسي والتميمي ” ولا مطالب ولاشي يردون دمارنه وبس  والفلوس الي دطب للساحة بهاي الفترة تكفي أعمار لبغداد من الصفر احنه طلعنه نتظاهر على كل الحرامية مو طلعنه نسقط الشيعة ونصعد الضدهم لو نصير ضد طرف مع طرف و الله لايوفق كل واحد ضيع تعبنه وجهودنه الله لايوفق كل واحد حجه باسمنه وتاجر بينه وباعنه .

 

متظاهرين خيمة …

الولاء للعراق فقط …